BREAKING NEWS

డిజిటల్‌ చెల్లింపులకు సంబంధించి కీలక మార్పులకు లోక్‌సభ ఆమోదం తెలిపింది. యూపీఐ లావాదేవీలపై ఛార్జీలు విధించే అవకాశానికి మార్గం సుగమం చేసే ‘పేమెంట్ అండ్ సెటిల్‌మెంట్ సిస్టమ్స్ (సవరణ) బిల్లు-2026’ను లోక్‌సభ గురువారం మూజువాణి ఓటుతో ఆమోదించింది. ఎలాంటి చర్చ లేకుండానే బిల్లు పాస్‌ అయింది. ప్రస్తుతం యూపీఐ సహా కొన్ని డిజిటల్‌ చెల్లింపులపై బ్యాంకులు, చెల్లింపు సేవల సంస్థలు మర్చంట్‌ డిస్కౌంట్‌ రేటు (ఎండీఆర్‌) వసూలు చేయకుండా చట్టపరమైన నిబంధన ఉంది. తాజా సవరణతో ఆ నిబంధన తొలగనుంది. దీంతో భవిష్యత్‌లో బ్యాంకులు, ఫిన్‌టెక్‌ సంస్థలు యూపీఐ లావాదేవీలపై ఛార్జీలు విధించే అవకాశం ఏర్పడింది.

ప్రస్తుతం ఆర్‌టీజీఎస్‌, నెఫ్ట్‌ లావాదేవీలపై సేవా రుసుములు అమల్లో ఉండగా, యూపీఐకి మాత్రం మినహాయింపు ఉంది. కొత్త బిల్లుతో ఆ పరిస్థితి మారనుంది. అయితే ఈ ఛార్జీలు సాధారణ వినియోగదారులపై కాదు. నిర్దిష్ట పరిమితికి మించిన యూపీఐ లావాదేవీలు చేసే పెద్ద వ్యాపారులు, వ్యాపార సంస్థలకే వర్తించే అవకాశం ఉందని సమాచారం. డిజిటల్‌ చెల్లింపు వ్యవస్థను నిర్వహిస్తున్న బ్యాంకులు, చెల్లింపు సేవల సంస్థలు, మౌలిక సదుపాయాల సంస్థలకు ఆదాయం సమకూర్చడమే ఈ మార్పుల ప్రధాన ఉద్దేశంగా తెలుస్తోంది. ఛార్జీల శాతం, ఏ స్థాయి లావాదేవీలకు వర్తిస్తాయనే అంశాలపై కేంద్ర ప్రభుత్వం, నియంత్రణ సంస్థలు తర్వాత స్పష్టత ఇవ్వనున్నాయి.

 ఆగస్ట్ 15న స్మార్ట్ రేషన్ కార్డుల పంపిణీ.. 

హైదరాబాద్, న్యూస్ పేజ్ 

కాంగ్రెస్ ప్రభుత్వం పేద, మధ్యతరగతి ప్రజలకు శుభవార్త చెప్పింది. ప్రజలకు త్వరలోనే స్మార్ట్ రేషన్ కార్డులు ఇస్తామని సీఎం రేవంత్ రెడ్డి నేతృత్వంలోని కాంగ్రెస్ ప్రభుత్వం ప్రకటన చేసింది. ఆగస్ట్ 15న స్వాతంత్ర దినోత్సవం సందర్భంగా ప్రజలకు కొత్త పీడీఎస్ స్మార్ట్ రేషన్ కార్డులు పంపిణీ ప్రారంభించనున్నారు. ఇందుకు సంబంధించి అధికారులు ఇప్పటికే ఏర్పాట్లు చేశారు. సీఎం రేవంత్ రెడ్డి సంగారెడ్డి జిల్లా కేంద్రంగా కొత్త రేషన్ కార్డుల పంపిణీని ప్రారంభించనున్నారు. ఆ తరువాత రాష్ట్రంలోని అన్ని అసెంబ్లీ నియోజకవర్గాల్లో ఏకకాలంలో కొత్త రేషన్ కార్డుల పంపిణీ నిర్వహిస్తామని సివిల్ సప్లై అధికారులు తెలిపారు. 119 అసెంబ్లీ నియోజకవర్గాల్లో ఏకకాలంలో స్మార్ట్ రేషన్ కార్డులు పంపిణీ చేయనున్నారు.

ప్రస్తుతం రేషన్ కార్డులు ఉన్నవారికే స్మార్ట్ రేషన్ కార్డులు ఇవ్వడంతో పాటు కొత్తగా దరఖాస్తు చేసుకున్నవారికి కూడా రేషన్ కార్డులు ఇవ్వనున్నారు. కొత్త స్మార్ట్ రేషన్ కార్డుల పంపిణీ తేదీ ఫిక్స్ కావడంతో అధికారులకు ప్రభుత్వం కీలక ఆదేశాలు జారీ చేసింది. అర్హులైన ప్రతి ఒక్కరికీ కార్డు అందేలా తుది లబ్ధిదారుల జాబితాల ధృవీకరణను (e-KYC) త్వరితగతిన పూర్తి చేయాలని స్పష్టం చేసింది. స్మార్ట్ రేషన్ కార్డుల ప్రిటింగ్ నుంచి జిల్లాలకు చేరే వరకు సురక్షితమైన రవాణా నిర్వహణపై పౌరసరఫరాల శాఖ అధికారులు కసరత్తు చేస్తున్నారు.

జిల్లా కలెక్టర్లు స్థానిక ప్రజాప్రతినిధులను సమన్వయం చేసుకొని కొత్త రేషన్ కార్డుల పంపిణీ చేయనున్నారు. ఈ విడతలో రాష్ట్రవ్యాప్తంగా వ్యాప్తంగా దాదాపు 1.05కోట్ల కుటుంబాలకు లామినేటెడ్ (పీవీసీ) రూపంలో రూపొందించిన కొత్త రేషన్ కార్డులను ఇవ్వనున్నారు. ఈ స్మార్ట్ రేషన్ కార్డు వాటర్‌ప్రూఫ్ సౌకర్యంతో, క్రెడిట్ కార్డు పరిమాణంలో ఉంటుంది. ఈ స్మార్ట్ కార్డుల్లో క్యూఆర్ కోడ్‌తో పాటు ఆధునిక భద్రతా ఫీచర్లను కూడా పొందుపరిచినట్లు అధికారులు తెలిపారు. అంతేకాకుండా, కొత్త రేషన్ కార్డుల పంపిణీ పూర్తైన అనంతరం జిల్లా వారీగా సమగ్ర నివేదికలను సిద్ధం చేసి ప్రభుత్వానికి సమర్పించాలని ముఖ్యమంత్రి రేవంత్ రెడ్డి ఇప్పటికే ఉన్నతాధికారులను ఆదేశించారు. కాగా ప్రస్తుతం రేషన్ కార్డు దారులకు మూడు నెలల బియ్యం ఇస్తున్నారు. ఆగస్ట్, సెప్టెంబర్, అక్టోబర్ నెలకు సంబంధించి బియ్యం ఇస్తున్నారు. ఆగస్ట్ 31 వరకు బియ్యం పంపిణీ కొనసాగుతుంది.

బాలీవుడ్ స్టార్ ప్రొడ్యూసర్ సంజయ్ లీలా భన్సాలీ నిర్మాణంలో రూపుదిద్దుకోనున్న ఓ మైథాలాజికల్ జంగిల్ అడ్వెంచర్ చిత్రంలో ధనుష్, కరీనా కపూర్ ఖాన్ జంటగా నటించనున్నట్లు టాక్. తమిళ దర్శకుడు పి.ఎస్. మిత్రన్ తెరకెక్కించనున్న ఈ భారీ ప్రాజెక్ట్ దట్టమైన అడవి నేపథ్యంలో ఏనుగు చుట్టూ తిరిగే కథాంశంతో సాగనుంది. 2027 ప్రారంభంలో ఈ సినిమా షూటింగ్ మొదలుకానుంది.

​ఒకవేళ కరీనా ఈ ప్రాజెక్ట్‌కి ఓకే చెబితే, ‘దేవదాస్’ నాటి నుంచి భన్సాలీతో ఉన్న రెండు దశాబ్దాల గ్యాప్‌కు ముగింపు పడనుంది. ప్రస్తుతం భన్సాలీ ‘లవ్ అండ్ వార్’ పనుల్లో బిజీగా ఉండగా, ఆ చిత్రం పూర్తయిన తర్వాత ఈ ప్రాజెక్ట్ పట్టాలెక్కనుంది.